أحــمــــــــد و هــبــــــــــــــــــــه
الاسم: أحمد و هبه
البلد: مصر
التصنيفات : خاصة,ثقافة وفن,أدب وكتب,ديانات,الأسرة والأصدقاء,عام
أظهر كافة المعلومات
| ► | يونيو 2009 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | |||
لماذا احبك ؟
لانك انت الحبيب
بسم الله الرحمن الرحيم ….
الاول من ديسمبر .. يوم مولدي .. احمد جابلي احلى بلونة حمرا على شكل قلب .. وتورتة جميلة برده على شكل قلب .. اجمل ما في الموضوع المفاجاة ..
ايه اجمل من عمرة في رحاب الرحمن الرحيم ..
اول مرة اشوف الكعبة .. تهتز الارجل من الرهبة .. اول مرة احس فعلا ان رجلي ضعيفة جدا ..
ارتعشت كل خلية في جسدي ….
ديه الكعبة يا جماعة .. بيت الله الحرام .. بقعة ما تحت العرش الجليل
حاسين يا جماعة ..
ياااه .. ربنا يرزق جميع المسلمين زيارة بيته الحرام .
قبله وفيه وبعده .. دوما .. بحبك
في يوم الحب .. يزدان الحب .. يتالق .. يرتدي لونه المفضل .. ليحتفل
كان زمان بقرف من كتر الدباديب الحمرة
والتي شيرتات الحمرة والوجوه السخيفة اللي شايلاهم ..
كان عيد حب على الرصيف .. في الشارع .. كان اهله بيحتفلوا بيه بسخافة لانه نمى فيهم بسخافة
كان رخيص اوي .. اصحابه رخصوه لما عرضوه على الارصفة امام اعين الناس
اول مرة احب هذا اليوم انتظره
اول مرة املى البيت شمع احمر .. اطفي كل الانوار واسيب هزة الشموع تنور الدنيا
بسم الله الرحمن الرحيم …
كنت متعودة فترة الخطوبة اكتب مسجز احمد في كشكول بالتاريخ والساعة .. ولازلت على عادتي حتى يومنا هذا ..
حتى المشاكل اللي مرينا بيها كتبتها .. والافراح اللي مرينا بيها سجلتها
واوراق الشيكولاته اللي جابها ليا او تليفات الهدايا كنت بلزقها في الكشكول .. بس مش عارفة ..
يعني بعد الزواج يمكن قلت كتابتي في الكشكول
ممكن عشان عايشين سوا ومش بحتاج اكلم نفسي على الورق
يمكن عشان مش في وقت له .. بس حاساه ذكرى حلوة .. اه فيها بعض السطور المؤلمة .. بس حلوة
مش عارفة لما عيالي يكبروا هخليهم يقرؤا قصة حبي مع والدهم ؟ ولا لا ؟
هحبهم يت
بسم الله الرحمن الرحيم …
الساعة السابعة صباحا .. لسة مش نمت ..
لما ببص لاحمد وهوه نايم بحمد ربنا مليون مرة انه جمعنا بميثاقه الغليظ .. الزواج ..
صحي الفجر عشان الصلاة … بحبه وهوه صاحي مغمض وعامل مفتح هههههههههههههه ويفتح عين واحدة لحد ما يوصل للحمام
وممكن رجليه الطويلة تتلعبك في اللحاف
مش عارفة ايه التخريف ده
بس اول مرة نفضل صاحيين بعد الفجر لحد الصبح كده
شربنا كوبايتين شاي مع بعض
اصريت عليه نشربهم سوا.. يمكن عشان مش يشغله حاجة تانية غيري
اهو في الصاللون التلفزيون وكده والمطبخ هلاقيه
أحمد
( أ )
أمين قوي .. لطيف رقيق
أمان كبسمة وجه الصباح
كفجر ولاح ..
كنجم السماء ..
يطل عليّ
ليملأ كوني
بمعنى الحياة ..
ومعنى النجاح
( ح )
حب كريم .. حنون جميل
فياكم وكم ..
قد عددت الليالي ..
وصادقت قمري
وغاب نهاري
فاشرق وجهك .. كشمس النهار
انار حياتي ..
بسم الله الرحمن الرحيم ..
طبعا بقالي زمان مش دخلت المدونة .. يمكن عشان الواحد مستخسر الثواني اللي بيقعدها على النت ..
يمكن عشان مش فيه وقت .. وعشان العمر قصير ..
عموما .. انا جاية اكمل الحدوتة ..
وصلنا المرة اللي فاتت لحد شبراوي ..
غالبا احمد عجبه قماشة النقاب .. ووقع لشوشته من نظرة عين هههههه راح صلى استخارة وشاف في منامنه انه في بيتنا وصلى بينا امام ..
الغريب انه وصف بابا تمام بدون ما يراه قبل كده
ومش ممكن اقول انها متفبركة لان بابا اساسا مش في مصر ..
المهم هوه راح يشوف حد يتوسط له ( رغم انه مش محتاج للقلب واسطة ) وكلم واحدة بحبها مووووت
اسمها دكتورة اسماك .. واكتشف اني مخطوبة ..
وفعلا ايامها انا كنت مخطوبة .. طبعا هوه يا حبة عيني زعل وخاطره اتكيسر بس فضل في قلبه امل ( جايبه منين يا اخواتي انا معرفش ) مش بقولكم وقع من نظرة عين )
المهم .. مرت الايام .. وهوه بيحب على نفسه قصدي مع نفسه .. يعني ساكت خالص وكاتم في قلبه يا نن عيني ..
ومر حوالي 5 شهور .. وانا كنت بستعد لزواجي .. خطيبي الاولاني كان مهندس برده ( كل اللي بيتقدمولي مهندسين غالبا معلقة برجل ) المهم هوه كان متدين على حسب كلام اخته ولا نزكي على الله احدا .. بس كان عملي جدا ناس كتير بتشوف ده ميزة .. بس بالنسبة ليا كان منغص كبير جدا بدون دخول في تفاصيل مش حصل نصيب قبل الفرح باقل من شهرين …..
وهنا جه دور ياسمين اخت احمد .. هيه ساعتها كانت بتكلمني سلامات وكده ..
وفي مرة كلمتني وانا كنت مخنوقة جدا جدا .. وكان بعد الموضوع ده
اه نسيت اقولكم
اخر زيارة لخطيبي الاولاني لينا .. انا صليت استخارة
ونفسي اتكتم جدا ونغزة في قلبي
ساعتها كانت الغرفة ضلمة توقعت اني هموت ومش حد هيحس بيا .. فنمت على ضهري يمكن اعرف اتنفس بس ابدا
حسيت ان الخطوبة هتتفركش .. وعيني غفت لدقائق
شفت فيها منام غريب ..
حلمت اني ماشية مع اخت خطيبي الاولاني وكنت لابس حذاء على قدي بس ارضي ومش كان عاجبني اوي ..
ولقيت حذاء تاني بيتباع شكله حلو اوي بس كعبه عالي
رحت اشتريته واخت خطيبي قعدت تقولي الحذاء الاولاني بتاعك احسن انتي طويلة هتلبسي بكعب
فقلت لها والله اللي يريحني هلبسه انا مالي ومال الناس ..
وصحيت ..
على فكرة الحذاء في المنام يعني عريس
وخطيبي الاولاني كان تقريبا في طولي ان لم يكن اقصر بقليل جدا
واحمد حبيبي طويل …
المهم نرجع لموضوعنا اخت احمد اتصلت يوم ما الموضوع تقريبا اتفركش تماما
وانا كنت مضايقة جدا يومها وبعيط
قعدت تهدي فيا ومالك وفيكي ايه .. فقلت لها حصل كزا وكزا وكزا
فقالت معلش وربنا يعوضك وكده كده انتي مش كنتي مستريحة ..
وقفلت ( قمة التسويس )
كلها بالضبط تلات ايام وكانت مامة احمد بتتصل تكلم ماما قبل ما حد يدخل في الخط
المهم .. بابا سافر .. وكان الموضوع كله كلام في كلام .
انا طبعا مش بحب اللقاءات الاولى .. اقصد لما العريس ياتي ومامته واخواته عشان يشوف عروسه لاول مرة وطبعااااا بدون النقاب وده اسوا ما في الموضوع ..
همه جم عندنا كلهم اخواته التلاتة بنات ومامته وهوه ..
كنت انا وماما واخي موجودين في اللقاء ده وكان في بيتنا
الوقت عدا ببطء
الغريب اني بصيت في وشه كزا مرة .. قمة الجراءة وجت منييييييين الله اعلم
مرت الايام وبابا نزل وجه هوه ووالد\ه ووالدته عشان يقابلوا بابا
قعدت يومها مع احمد وبابا وعمو ومامته موجودين بس احنا في صالون وهمه في صالون والاتنين في نفس الريسيبشن
احمد يومها اتكلم كتير .. بس ولا الهوا
كنت مرات ببتسم ومرات بهز راسي
بس اللي كنت شايفاه اربعة احمد وبؤ عمال يتحرك والصوت في الضياااع
مر اليوم بسلااام سبقته بعض الزوابع .. واتفقوا على كل شئ واتقرت الفاتحة …
نزلنا بعدها بكام يوم نشتري الدبل ..
اشترينا دبلة عريضة ومحبس رقيق وخاتم ..
الفكرة في الد\بلة العريضة اننا ناويين نكتب عليها اسماءنا من بره بس لما نلاقي حد خطه كويس
ومن هنا بدات قصتنا تحلو اكتر واكتر ..
طبعا في تفاصيل كتير وقعت مني
بس هنا بس وقعت
هيه محفورة جواية وغير كده عندي كشكول بكتب فيه مشاكلنا وقصصنا وكل المسجات باليوم والتاريخ والساعة ..
النهاردة 3 عشرة 2008- احنا اتخطبنا 2 واحد 2007
واتكتب كتابنا وتزوجنا يوم 13 ستة 2008
جففت كول بوكيه ورد وكل ورده جابها ليا خصوصا اول وردة نزل على الارض واداها ليا ..
وفاكرة كل حاجة حلوة مرينا بيها وبرده فاكرة كل مشكلة وشعور وحش مرينا بيه ..
بسم الله الرحمن الرحيم ..
اول مرة شفته فيها .. وسيم جدا .. لابس بدلة وعليها نظارات سوداء منعتني اني اعرف عينيه بتبص فين ..
كانت معاه اخته .. فتاة رقيقة جدا .. قعدنا نشرب سوا عصير عند اشرف فرغلي .. كان حاطط برفان لاكوست ..
ههههههههههههههههههه طبعا بهزر اول مرة شفته ومش شفته
والافلام بتاعت الحب من اول نظرة مش حصلت لانه مش كان في نظرة اولى ولا تانية
اول مرة شفته .. كان العصر .. في الحي السابع .. امام شبراوي
كان مع اخته .. جايين ياخدوا حاج
احمد يا اعز الناس .. يا كل الناس .. احب الناس .. اغلى الناس ..
احمد يا كل العمر ..
عارف بحبك اد ايه ؟؟
عارف انا مشتاقة ليك اد ايه ؟؟ عارف ان الدنيا كلها مستنياك ؟؟
عارف ان الشمس غفت في المغيب مستنياك تطل ..
اخدت نورها ورحت .. اخت بهاء القمر ورحت ..
احمد يا حبيبي .. قمرك غايب .. مستنيك تنوره .. فرحتي برده غابت مستنياك تحضنها ..
كلي مستنياك يا احمد ..
كلي يا احمد
حاسة العالم حوالية بيسرخ مستنيك .. تعب من غيابك عنه
حاسة قلبي كل يوم وكل ثانية بيبكي يسالني فين القلب اللي كان مدف
